Երիտասարդ դերասան Վարուժան Մարգարյանը, որն այս շրջանում նկարահանվում է «Երկուսով» հեռուստասերիալում, սիրով համաձայնել է խոսել ընտանիքի մասին: Նա BRAVO.am-ին պատմել է ծնողների, քրոջ եւ զարմիկների մասին:

Մայրս` Աննա Թումանյանը, երկար ժամանակ դիզայներությամբ է զբաղվել, այժմ զինծառայող է: Անկախ աշխատելու փաստից՝ առօրյա հարցերում շատ է օգնում ինձ: Նա նաեւ երիտասարդ տատիկ է:

Հայրս` Արման Մարգարյանը, Երեւանում զբաղվում էր բիզնեսով, այժմ բնակվում է Ռուսաստանում եւ գործունեությունը շարունակում է այնտեղ։

 

Քույրս՝ Սոնա Մարգարյանը, մասնագիտությամբ լեզվաբան է։ Ամուսնացած է, ունի 2 տղա։ Ներկա պահին զբաղվում է երեխաների խնամքով, մասնավորապես՝ փոքր տղայի, որը դեռ 5 ամսական է։