ԲՀԿ-ական պատգամավոր Գևորգ Պետրոսյանը ֆեյսբուքյան իր էջում գրում է.

«Անշուշտ, կարծիք արտահայտելը յուրաքանչյուրիս սահմանադրական իրավունքն է, բայց, արդյո՞ք, կարելի է այն չարաշահել… Լավ, ասենք՝ թող էլի քննարկեն ու քննադատեն ստատուսներս…

Մի ինչ-որ ջահել գրչակ է վերջերս խցկվում գրածներիս մեջ, ու, բովանդակությունից գլուխ չհանելով, մի անկենդան երկտող թողնում, նկարս իր նկարին կցում ու արագ ճողոպրում…

Ոմն Տարոն Չախոյան… Պարզ է չէ՞, որ ոչինչ չասող անուն-ազգանուն է, որի կոնկրետ կրող այդ դեղնակտուցն այս կյանքում ուրիշ կերպ ինքնահաստատվել չի կարող, քան հայտնի մարդկանց հետևից վայրենախոսելով ու նրանց հետ կողք-կողքի նկար տեղադրելով… Տո այ մանկիկ, դու ո՞վ ես, որ ինձ հեգնես, դու ի՞նչ ներդրում ունես էս կյանքում…Այ վաղամեռիկ ապաքաղաքական պիտույք, կենսագրությունս որ ամբողջությամբ տպեմ մի կտորի վրա, մի նոր կոստյում կկարեն վրայովդ, որ հագնես ու դուրս գաս մարդամեջ: Դե իսկ քո կենսագրությունը ոչ այլ ինչ է, քան լքված տապանաքարի վրայի անփառունակ երկտող մակագրություն…

Հերիք չի՞ սեփական մանրությունիցդ բխող խղճահարույց հոգեճնշիչ վիճակդ փորձես հաղթահարել ճանաչված մարդկանց հասցեին ճլթացնելով… Հերիք չի՞ առանց լիազորագրի ծառայություն մատուցես…

Գործիդ գնա ա՜յ տղա (չնայած դու լավ էլ քո արժանի տեղում ես, քեզ ո՞վ լուրջ բան կվստահի, այ առոչինչ համառություն), էլ չհիշես ինձ, չեմ պատասխանելու… Բայց, այ որ մի օր հանկարծ պատահաբար առերեսվենք մի փողոցում, դու դրանից հետո կդառնաս մի գթաշարժ վիպասան…»: